பதிவர் சந்திப்பு!- பாலபாரதி!- மர்மம்!

யார் இந்த பால பாரதி? இத்தனை நாள் எங்கு போய் இருந்தார்? இப்பொழுது திடீர் என்று பதிவர் சந்திப்பை கூட்ட என்ன காரணம்.நாம் என்ன செய்ய வேண்டும்? அவர் எழுதிய பதிவு http://tinyurl.com/36ejnz5

முதல் கேள்வி யார் இந்த பாலபாரதி?
கல்தோன்றி மண்தோன்றா காலத்தே பிளாக் எழுதி தமிழ் வளர்த்தவர் ரொம்ப சீனியர்.பில்லா ரேஞ்சுக்கு இவரு பெரிய பிஸ்தா! பில்லாவுக்கு இவருக்கும் ஒரே வித்தியாசம், பில்லாபயங்கர கருப்பா இருப்பான், இவரு கருப்பா பயங்கரமா இருப்பார்.

இத்தனை நாள் எங்கு போய் இருந்தார்?
ஹி ஹி அண்ணனுக்கு கல்யாணம் இரண்டு வருசத்துக்கு முன்னாடி கல்யாணம் ஆச்சு, அதுக்கு முன்னாடி கொஞ்சமா வீட்டு வேலை இருந்துச்சு, இப்ப வீட்டு வேலை ரொம்ப அதிகம் ஆகிவிட்டதால் எழுத்து உலகு பக்கம் வரமுடியவில்லை. (வேற ரகசியங்கள் பொதுவில் வெளியிடப்பட மாட்டாது!)

இப்பொழுது திடீர் என்று பதிவர் சந்திப்பை கூட்ட என்ன காரணம் ?
இதுவரை அவர் பெயரை குயில்பாலான்னு வெச்சிருந்தார்! கலர் ஒற்றுமைக்காகதானே ஒழியே குரல் ஒற்றுமைக்காக இல்லை என்பதை ஆழமாக பதிவு செய்கிறேன், பேசினாலே தகரடப்பாவை தேய்ப்பது போல் இருக்கும் குரலை வைத்துக்கொண்டு பாடினால் கேட்கவே வேண்டாம், நான் கூட ஒரு முறை இவர் மகிமை பற்றி தெரியாமல் குயில்பாலா என்றால் குரல் இனிமையாக இருக்குமோ என்று நினைத்து பாட்டு பாட சொல்லி கேட்டதில் இருந்து என் இடதுகாது கொஞ்சம் மந்தமாகவே கேட்கிறது. இதுவரை குயில்பாலாவாக இருந்தவர் இப்பொழுது யெஸ்பாலா என்று பெயரை மாற்றிக்கிட்டார், யெஸ்பாலா என்றால் வேறு ஒன்னும் இல்லை வீட்டில் அண்ணி எது சொன்னாலும் யெஸ் சொல்வதால் இவர் இனி யெஸ்பாலாவாகிவிட்டார். ஆகவே பெயர் சூட்டும் வைபோகம் நடைபெற போகிறது.

என்ன செய்யவேண்டும்?
குழந்தை பிறந்தால் பெயர்வைக்கும் பொழுது நாக்கில் தேனால் பெயர் எழுதுவார்கள், அண்ணன் யெஸ்பாலா லெவலுக்கு கோணி ஊசியில் கொஞ்சம் ஆசிட் தொட்டு அவர் நாக்கில் அல்லது அவரவர் விருப்பப்படி "யெய்பாலபாரதி அறிவுடை நம்பி அகப்பெருமாள் சிவசந்திரன்" என்று எழுதலாம். இவரிடம் இருக்கும் ஆண் ஜொள்ளர் லிஸ்டில் உங்கள் பெயர் இல்லை என்று நிருபிக்கவேண்டும் என்றால் தலையில் 5 ரூபாய் சூடம் ஏற்றி ஊதி ஊதி அணைத்துஉங்களை நிருப்பிக்கலாம்.

டிஸ்கி: இது பேட்டி அல்ல, நானே சிந்தித்து எழுதியது.